Хориотой Луугийн хавцалд ирээд Ян Кай суугаад бэлтгэлээ эхлүүлэхээр бэлтгэж байснаа гэнэт нэг зүйл саналаа.

Гараараа халаасаа нэгжин хэсэг хугацаанд тэмтэрсний эцэст цээжнээсээ нэгэн үр гаргаж ирэв. Энэ үрийг түүнд Цуст тулааны бүлгэмийн мухлагийн эзнээс Гэрэлт Ян чулуу худалдаж авах үед нь өгсөн юм.

Энэ нь Газрын зэрэглэлийн доод түвшний, Гурван Нарны Жимсний үр гэгдэж байсан билээ.

Хэдийгээр жимслэхэд хэдэн жил шаардагдахыг мэдэхгүй байсан ч түүнд тийм ч их энерги шаардагдахгүй тул Ян Кай үүнийг тарихыг хүсэж байв. Түүнчлэн, эргэн тойронд нь маш их хэмжээний Ян Юань Чи байсан нь энэ жимсийг тарихад хамгийн тохиромжтой газар болох нь эргэлзээгүй байлаа.

Гэвч түүнийг үрийг гаргаж ирэхтэй зэрэгцэн Ян Кайд ямар нэгэн зүйл буруу байгаа юм шиг санагдав.

Өнөөдөр өглөө тэр энэ үрийг харах үедээ ямар ч хэвийн бус зүйлийг харж, мэдэрч чадаагүй юм. Түүнд зөвхөн маш бүдэгхэн, бараг л мэдрэгдэхгүй шахам “Ян” Чи-гийн ул мөр л байсан билээ.

Харин одоо энэ үр яг л улаан эрдэнийн чулуу шиг гэрэлтсэн улаан өнгөтэй, тунгалаг болсон байлаа. Үүнийг гартаа барихад Ян Кай үрнээс жигдхэн цохилох лугшилтыг мэдэрч чадаж байв.

Энэ нь яг л... яг л эрч хүчээр бялхсан, цохилж буй хүний зүрх шиг байлаа.

Түүгээр ч барахгүй, одоо энэ үрэнд өмнөхтэй харьцуулахад хавьгүй их хэмжээний Ян Юань Чи агуулагдаж байв.

Тэрээр хэсэг хугацаанд гөлрөн суусны эцэст сая л нэг тэрхүү гайхшралаасаа саллаа! Дантиан дотроос нь алга болсон өнөөх гурав дахь дусал Ян шингэн хаашаа алга болсныг тэр эцэст нь ойлгожээ.

Үүнийг энэ үр шингээж авсан нь тодорхой байлаа! Хэрэв тийм биш байсан бол энэ жирийн нэгэн үр хэдхэн цагийн дотор яаж ийм өөрчлөлтөд орж чадах билээ дээ? Хэрэв гаднын ямар ч нөлөө, тусламж байхгүй бол нэг дусал Ян шингэнг нягтруулахад Ян Кайгаас хэдэн өдрийн шаргуу хөдөлмөр шаардагдах байсан юм.

Ян Кай тэрхүү үрэн доторх “Ян” Чи-г буцаагаад шингээгээд авчих шахлаа!

Хэдийгээр тэр энэ талаар бодсон ч Ян Кай тэгсэнгүй. Энэ үр тодорхой хэмжээгээр маш том өөрчлөлтөд орсон байсан тул, хэрэв тэр үүнийг таривал ямар төрлийн жимс гарах бол?

Залуу хүний сониуч зан, мэдлэгт тэмүүлэх хүсэл нь юутай ч зүйрлэшгүй байлаа. Энэ нь Ян Кайд тэрхүү үнэт дусал Ян шингэн үрэнд хэрхэн нөлөөлөх бол гэх сониуч зан төрсөнтэй яг ижил байсан юм.

Үүнийг анхааралтай бодож үзээд Ян Кай хөдөлж эхэлсэн бөгөөд эхлээд харьцангуй зөөлөн хөрстэй газар хайхаар явлаа. Тэр үрийг дотор нь хийхийн тулд болгоомжтойгоор нүх ухаж, дараа нь түүнийгээ услахаар ус хайхаар явав.

Энэхүү ажлаа дуусгасныхаа дараа Ян Кай Жинхэнэ Ян нууц урлагаа идэвхжүүлэхээр суулаа.

Энэхүү модонд оруулсан түүний нэг дусал Ян шингэний хөрөнгө оруулалт үр дүнгээ өгөх эсэхийг тэр хараахан мэдээгүй л байв.

Шөнө өнгөрч, бүхэл шөнийн турш бэлтгэл хийснийхээ дараа тэрээр өөрийнх нь энерги шингээх хурд дахин хурдассан болохыг тод мэдэрч чадлаа. Бүхэл шөнийн турш бэлтгэл хийсний ачаар түүний дотоод судлууд дахь “Ян” Чи нөхөн сэргээгдсэн байв.

Түүний тооцоолсноор дахин нэг дусал Ян шингэн нягтруулахад хоёроос гурван өдөр шаардагдах байлаа. Түүний анхны дуслыг нягтруулахад зарцуулсан хугацаатай харьцуулахад түүний бясалгал одоо хавьгүй илүү үр дүнтэй болсон байв.

Хоёр дахь өдрийн өглөө, Ян Кай Биеийг хатуужуулах судрыг хагас цагийн турш давтлаа.

Биеийг хатуужуулах судрын бэлтгэлийн хувьд тэр хэзээ ч ганц ч өдөр алгасаж байгаагүй юм. Өдөр бүр түүний хийх ёстой цорын ганц зүйл нь талбай шүүрдэхээс гадна Биеийг хатуужуулах судрыг давтаж, бага зэрэг хувь нэмрийн оноо олохын тулд дээрэлхчихэж болох Номын дүү хайх байсан бөгөөд үлдсэн цагаа тасралтгүй бэлтгэл хийхэд зарцуулдаг байв.

Хагас цагийн дараа Ян Кай ажлаа зогсоолоо! Тэр санамсаргүйгээр өчигдөр орой Гурван Нарны Жимсний үрээ тарьсан газартаа алхан очиж, түүнийг хараад өөрийн эрхгүй цочирдов.

(орч: бодвол үр нь хэт хурданиургаа биз~:D)

Тэрхүү зөөлөн хөрстэй газар дээр нэг фут орчим урттай модны суулгац ургасан байлаа! Уг суулгац нь нарийхан бөгөөд махлаг, зөөлөн харагдах навчнуудтай, мөн түүнчлэн нарийхан ишин дээгүүр нь бүдэгхэн хар улаан өнгийн судал сүлжилдэн тогтсон байв.

Хэдийгээр суулгац жижигхэн байсан ч үл тоомсорлохын аргагүй амьдралын эрч хүчийг агуулж байсан бөгөөд өсөж томрохын тулд өөрийг нь хүлж буй газрын хүлээсийг тасдахыг хичээж байлаа.

[Энэ байж боломгүй юм...]

Ян Кай өөрийнх нь тархи зөв ажиллахгүй байна гэж бодлоо. Ердөө ганцхан шөнө л өнгөрсөн байтал, Гурван Нарны Жимсний мод хэдийнэ ингэж том ургачихсан гэж үү? Хэсэг зуур Ян Кай бүр цаг хугацааны баримжаагаа алдаж, хэд хэдэн өдөр өнгөрчихсөн юм болов уу ч гэж бодов.

Анхааралтай бодож үзсэний эцэст энэ нь боломжгүй гэдгийг тэр ухаарлаа. Түүний бие дэх Ян Юань Чи их хэмжээгээр нэмэгдээгүй байсан нь зөвхөн нэг л шөнө өнгөрсөн гэдгийг илтгэж байв. Тиймээс тэр өөр нэгэн дүгнэлтэд хүрэв.

[Энэ бүхэн тэр үр рүү нэвчсэн нэг дусал Ян шингэнээс болсон байж болох уу?]

Энэ нь маш боломжтой байсан бөгөөд Ян Кайн мэдлэг дотор Ян шингэн-ий хэрэглээ маш олон бөгөөд асар их гэсэн мэдээлэл байсан хэдий ч үүнийг зөвхөн тулаанд л ашиглаж болно гэж хэлээгүй байсан юм.

Хэрэв энэ үнэхээр Ян шингэн үрийн мутацид нөлөөлсөн бол энэ нь түүний нүдний өмнөх дүр зургийг тайлбарлаж чадах байлаа.

[Хэрэв энэ нэг шөнийн дотор нэг фут хүртэл ургасан юм бол, дахин хэд хоногийн дараа жимслэх боломжтой байж магадгүй юм!]

Энэ тухай бодох үед Ян Кайн урам зориг сэргэв, учир нь Гурван Нарны Жимс нь Газрын зэрэглэлийн доод түвшний сүнслэг жимс бөгөөд түүний Жинхэнэ Ян нууц урлагийн бясалгалд асар их тус болох үнэлж баршгүй эрдэнэ байсан юм. Эдгээр жимсний нэг нь л гэхэд түүний дор хаяж хэдэн өдрийн бэлтгэл сургуулилттай тэнцэх нь гарцаагүй байлаа.

Үүнийг бодох үед Ян Кай өөрийнхөө оруулсан хөрөнгө оруулалт нь үнэлж баршгүй зүйл байж дээ гэж бодлоо. Одоо түүний хийх ёстой зүйл нь баталгаажуулахын тулд хүлээж, энэ жимсний мод цэцэглэхэд хэдэн өдөр шаардагдахыг харах байв.

Энэ нь Хориотой Луугийн хавцлын хажууд байсан бөгөөд энгийн үед хэн ч энүүгээр өнгөрдөггүй байлаа. Ян Кай энд олон өдрийн турш бясалгасан бөгөөд тэрхүү Арван нэгдүгээр Настантай таарсанаас өөрөөр тэр өөр хэнийг ч хараагүй юм. Тийм ч учраас тэр энэ жимсний модыг бусад хүмүүс олж мэднэ гэхээс тийм ч их айхгүй байлаа.

Модон овоохой руугаа буцаж ирээд Ян Кай өнөөдрийнхөө даалгаврыг биелүүлэхийг хүслээ. Гэвч хэсэг хугацаанд эргэн тойронд хайсныхаа дараа тэрээр шүүрээ олж чадахгүй байсан нь түүнийг төөрөгдөлд оруулав.

Хэсэг хүлээсний дараа хөлсөндөө норсон Өндөр Тэнгэр Асрын нэг шавь буцаж ирсэн бөгөөд түүний гарт Ян Кайн шүүр байлаа.

Ян Кай бас энэ хүнийг таньж байв, тэрээр Сү Мү-гийн бүлгийн нэг хэсэг байсан хүмүүсийн нэг бөгөөд Биеийг хатуужуулах тавдугаар шатанд байсан юм. Түүнийг ** гэж дууддаг байв.

(орч: gg зохиогч, нэр бодож олж чадаагүй болохоор тэрнийг ** гэж нэрлэжээ.)

Ян Кайг тэнд зогсож байгааг хараад ** тэр даруй түүн рүү алхан очиж мэндэллээ. "Номын ах аа, та буцаад иржээ."

"Тхх!, Номын дүү хэн чамайг юу хий гэж гуйсан юм? Чи яагаад миний шүүрийг бас авчихсан юм бэ?"

** инээгээд: "Би танд шүүрдэхэд чинь туслахыг хүссэн юм, бас одооноос эхлээд та иймэрхүү жижиг сажиг зүйлд санаа зовох хэрэггүй ээ. Манай бүлгийн шавь нараас өдөр бүр нэг нь ирж таны өмнөөс энэ даалгаврыг биелүүлэх болно, тиймээс та зөвхөн бэлтгэлдээ л анхаарлаа хандуулж болно шүү дээ" гэлээ.

"Энэ нь тийм ч сайн зүйл биш дээ." Ян Кай сонсох зуураа гараа хурдан хурдан даллалаа, хэдийгээр шүүрдэх нь тийм ч чухал биш бөгөөд маш их энерги зарцуулдаг байсан ч; хэрэв тэр Өндөр Тэнгэр Асарт үлдэхийг хүсээгүй байсан бол энэ ажлаасаа аль хэдийнэ гарчих байсан юм.

Гэвч Туршилтын шавийн хувьд хэрэв тэр очиж ямар нэгэн ажил хүлээж авахгүй бол Өндөр Тэнгэр Асарт амьд үлдэж чадахгүй байв.

** түүнийг тайвшруулан: "Номын ах юу гэж хэлж байгаа юм бэ? Бид буюу Номын дүү нар тань үргэлж танд туслахыг хичээх ёстой. Өнгөрсөн удаа хэрэв та Чэн Шао Фэнд сургамж өгөөгүй байсан бол бидний уур хилэн гарахгүй байх байсан юм.

Тэгээд ч бид олуулаа шүү дээ, хэрэв өдөр бүр нэг хүн ээлжлэн ирвэл нэг хүн сард хоёроос гурван удаа л энд ирэх болно. Номын ах та өглөө бүр эртлэн босож, цагаа ингэж дэмий үрэх шаардлагагүй болно шүү дээ. Номын ах аа, та татгалзаж болохгүй шүү, биднийг буюу Номын дүү нарынхаа нүүрийг бодоод үүнийг хийхийг бидэнд зөвшөөрөөч. Гэхдээ хэрэв та үүнийг үнэхээр үзэн ядаж байвал тэгээд март даа" гэв.

Хэрэв ингэж хэлж байгаа бол Ян Кай үнэхээр татгалзаж чадахгүй билээ шүү дээ? Тэр даруй тэрээр бууж өгч: "Тэгвэл би үүнийг Номын дүү нараасаа гуйя даа. Дотогш орж бага зэрэг ус уугаач" гэлээ.

"Хэрэггүй дээ. Залуу эзэн Сү хүн бүрийг шаргуу бясалгах ёстой гэсэн тушаал гаргасан. Хэрэв хэн нэгэн нь залхуурч зүрхлэх юм бол тэднийг цаашид Номын ах дүүс гэж үзэхгүй гэсэн. Би одоо явлаа. Номын ах аа, та ч бас шаргуу хөдөлмөрлөх ёстой шүү." ** ингэж хэлээд шүүрээ доош тавиад гүйхээрээ гарч одов.

Түүний нурууг хараад Ян Кайн зүрх дулаацаж, тэр өдөр Сү Мү-г аварсан нь зөв шийдвэр байжээ. Энэ хүн бол жинхэнэ өөдгүй амьтан, хэрэв чи түүнд нэг удаа саад болвол тэр чамд арван удаа саад болох хүн байсан юм.

Тэр цаашид талбай шүүрдэж цагаа дэмий үрнэ гэж санаа зовох хэрэггүй болсон бололтой. Нэлээд баяртай байсан Ян Кай алхан гарч, Биеийг хатуужуулах долоо/наймдугаар шатанд байгаа нэгэн шавийг барьж авахаар явлаа. Тэр хоёр гараа урд нь атган өрсөлдөгчтэйгөө мэндэлж: "Номын дүү минь, надад гэгээрэл хайрлаач!" гэв.

Тэр хүний царай тэр даруй гашуун болж: "Номын ах Ян... өөр олон хүмүүс байхад, та яагаад заавал намайг сонгож байгаа юм бэ?" гэлээ.

Эдгээр өдрүүдэд Ян Кай өдөр бүр тулалдахаар гарч, аль хэдийнэ тулалдсаар байгаад алдартай болчихсон байв. Одоо Биеийг хатуужуулах шатанд байгаа Өндөр Тэнгэр Асрын шавь нар Ян Кайг харах үедээ түүнээс айдаг болсон байлаа. Тэр цаашид тулаан бүрдээ ялагдаж, үнэгүй хувь нэмрийн оноо тараадаг эрдэнэ байхаа больсон бөгөөд одоогийн тэрээр аль хэдийнэ тоо томшгүй олон удаа дараалан ялалт байгуулаад байв. Түүгээр ч зогсохгүй тэр тулаан бүрдээ маш цэвэрхэн ялалт байгуулдаг болсон юм.